會員特區
主頁賽程事件簿賽後報告球員表現出席詳情陣容現金結存財政報告獎項相簿影片廊球場會員須知天氣連結留言板波經聯絡我們

賽後報告

CPAST 7:1 民生
2004-11-21(日) 11:00am 何文田配水庫-1

CPAST 7 ( 亞華 上半場 17,20 分鐘、Alex 上半場 25 分鐘、Andy 下半場 16、34 分鐘、斯文 下半場 19 分鐘、亞清 下半場 24 分鐘 )
民生書院舊生 1 ( 下半場 33 分鐘 )


上半場
Joe 亞棟
Alex
(25')
斯文 大蛇 亞華

(17', 20')
九仔 亞邦 亞清 亞宏
何B
下半場
Andy

(16', 34')
亞清
(24')
亞基 斯文
(19')
大蛇 亞宏
九仔 亞邦 Kenneth 亞麥
何B

天晴乾燥,陽光普照,CPAST 再一次於 何文田 出擊,再一次輕鬆取勝。

CPAST 開賽早段並不急於主攻,2 分鐘,CPAST 自己後場右路近底線界外球,亞宏 拋比 亞邦,個波一落地就彈到上 亞邦 喉嚨,亞邦 一縮,民生 前鋒就攝o左 亞邦 個位推個波入禁區,何B 行出兩步封位,民生 前鋒傳地波入中路 12 碼點後上球員射空門,幸好 九仔 白界前擋出,民生 前鋒欲補射卻撻 Q,CPAST 大難不死;5 分鐘,九仔 左路後場直線長傳,Joe 沿邊線力放,至禁區角 cup 入大位抽射近柱中網側;9 分鐘,Alex 接應 Joe 妙傳突破越位單刀,見門將出近即笠射遠柱出界;13 分鐘,九仔 中場左路放高波入中路,今次 Joe 破越位後上單刀,但同 Alex 一樣,笠射柱邊出界;眾將發現比賽用o既足球 (對方o既) 實在太硬,亞邦 忍無可忍終於做o野,踢個波落山用番我地個波;立竿見影,17 分鐘,Alex 左路直線傳交 亞棟亞棟 第一時間橫傳中路後上 大蛇大蛇 cup 過 民生 後衛撥橫右路 follow 亞華亞華 禁區內第一時間掃把腳一趟近柱入網,為CPAST 揭開大勝o既序幕;民生 隨後執番個波又換番入o黎,跟o住 亞邦 今次向 彿光街 進發但差少少,不過最終輪到 九仔 大腳解圍時被 民生 球員自己姍出落山,於是又再用番 CPAST 個波,而 民生 亦唔敢再換番個石頭入o黎喇;20 分鐘又有斬獲,大蛇Joe 中場中路兩o下 One、Two,Joe 再交橫走向右路空位o既 大蛇斯文 中路入楔,大蛇 即斜線傳入中路,但 斯文 差半步唔到,民生 後衛見 斯文 接應唔到全部企晒o向到睇波,亞華 見機不可失即楔入 12 碼點一射上角掛網成 2-0;25 分鐘,Joe 斜直線送左路 Alex 一程,Alex 快放成單刀,大禁區角左腳抽射近柱掛網成 3-0;29 分鐘,民生 門將一時大意用手接起自己友回傳,CPAST 禁區內得兩腳自由球,大蛇 撥橫 Joe 狂抽中人牆彈出,半場紀錄 3-0。

下半場戰情跟上半場冇咩分別;戰至 16 分鐘,大蛇 中線前放個波入中路比無人看管o既 Andy,原本處於越位位置o既 亞清 慢慢行番向後,冇影響球賽,球証o禁低旁証支旗讓比賽繼續,Andy 轉身成單刀但見龍門已行出至 12 碼點,於離門 25 碼即大腳笠射得手成 4-0;19 分鐘,亞清 右路接應 Andy 斜傳落底傳中,大蛇 追至遠柱出底線前撈番個波,再地波傳入中路 10 碼點 斯文斯文 控定再拐橫狂抽門將手頂掛網,5-0;24 分鐘,亞宏 中場右路地波交中路三閘線 AndyAndy 回後 大蛇大蛇 即腳面彈前 亞清 入楔成單刀,亞清 推過門將成空門狀態,但有些少 ball-out,修正後門將已埋番位,但 亞清 仍冷靜地趟入死角成 6-0;33 分鐘,CPAST 前場離門三十幾碼自由球,Kenneth 撥橫 大蛇大蛇 避過衝出人牆後撥前比 亞宏亞宏 欲帶入中路但被截,民生 快速反擊成 4 打 2,最後 民生 前鋒於禁區頂快出迎 何B 一步射入破蛋;完場前一分鐘,CPAST 左路角球, 大蛇斯文 短角球配合,大蛇 長傳遠柱,Andy 鶴立雞群門前頂入;完場 CPAST 大勝 民生 7-1。

領隊 大蛇 :「今仗進攻o既成功率好高係可以大勝o既關鍵,以七球入球o黎慶祝 Raymond 添丁相信大家都好滿意 ! 下場對手係爭標熱門份子 元朗,希望 keep o住呢個氣勢一舉將勁敵擊敗全取三分 !! 」

撰文 : 大蛇

===< 相簿 >===



精彩入球片段
攝影 : Alex + Joe

7 - 1 完場前一分鐘,CPAST 左路角球, 大蛇斯文 短角球配合,大蛇 長傳遠柱,Andy 鶴立雞群門前頂入


精彩入球相片
攝影 : Alex + Joe

4 - 0 :: 大蛇 中線前放個波入中路比無人看管o既 Andy,原本處於越位位置o既 亞清 慢慢行番向後,冇影響球賽,球証o禁低旁証支旗讓比賽繼續,Andy 轉身成單刀但見龍門已行出至 12 碼點,於離門 25 碼即大腳笠射得手成 4-0
5 - 0 :: 亞清 右路接應 Andy 斜傳落底傳中,大蛇 追至遠柱出底線前撈番個波,再地波傳入中路 10 碼點 斯文斯文 控定再拐橫狂抽門將手頂掛網
6 - 0 :: 大蛇 即腳面彈前 亞清 入楔成單刀,亞清 推過門將成空門狀態,但有些少 ball-out,修正後門將已埋番位,但 亞清 仍冷靜地趟入死角



City Polytechnic Alumni Soccer Team 城工舊生足球隊 since 1993